Беларускую мемарыяльную
   шыльду змесцяць
   у рымскай святыні
Яна з’явіцца ў дадзеным месцы невыпадкова, таму што менавіта ў гэтай старажытнай святыні знаходзіцца магіла аднаго з Апосталаў славян – св. Кірыла. Па такой прычыне акурат тут вырашана ўсталяваць памятную табліцу ў гонар дзеячаў, якія паспрыялі распасюджванню Божага слова ў Беларусі.
    Мемарыяльная шыльда выканана яшчэ ў 1998 годзе славутым беларускім скульптарам Валяр’янам Янушкевічам. Зробленыя ім памятныя знакі ёсць не толькі на будынках у гарадах Беларусі, але таксама ў Празе (Чэхія) і Кракаве (Польшча) – месцах, звязаных з жыццём і дзейнасцю Францішка Скарыны. †

---

Уручаны ўзнагароды
“Карытас Польшча”
    Асаблівай з’яўляецца Спецыяльная ўзнагарода дырэктара “Карытас Польшча”, якую ў гэтым годзе ўручылі с. Уршулі Бжонкалік, францысканцы місіянерцы Марыі. Манахіня служыць у Алепа (Сірыя). Яна вельмі моцна ўключылася ў справу міласэрнасці – дапамогу бедным людзям. Супрацоўнічае з усімі хрысціянскімі Касцёламі (і не толькі), дапамагае кожнаму патрабуючаму.

---

Расце колькасць
католікаў у свеце
    Апошнія даныя паказваюць, што ў Афрыцы жыве больш за 220 мільёнаў католікаў, якія складаюць амаль 5-ую частку насельніцтва кантынента. У абедзвюх Амерыках сярод 980-ці мільёнаў жыхароў звыш 63% католікаў. У Азіі – 141 мільён, а ў Еўропе – 285 мільёнаў, што складае каля 40% усіх еўрапейцаў.
    У 216-ці каталіцкіх школах свету вучыцца 60 мільёнаў вучняў.
    Даныя ўключаны ў статыстычны штогоднік каталіцкага Касцёла. Лічбы прыведзены агенствам Кангрэгацыі евангелізацыі народаў “Fides” у сувязі з Сусветным місійным днём.