Прабег Божай міласэрнасці
   прайшоў у Кракаве

У залежнасці ад узросту бегуны пераадольвалі дыстанцыю ад 300 да 2000 метраў. На шляху іх чакала знаёмства з постацямі святых, між іншым, св. с. Фаустыны Кавальскай, св. Яна Паўла ІІ, св. Кінгі, св. бр. Альберта. “Стыль жыцця, які мы прапануем, яднае ў сабе фізічную актыўнасць з духоўнымі каштоўнасцямі, культурныя – з адукацыйнымі”, – адзначылі арганізатары праекта.
    Акцыя таксама стала праслаўленнем св. Яна Паўла ІІ, які ініцыяваў Сусветныя дні моладзі. †

---

“Асноўнае права чалавека
на жыццё і свабоду сумлення”
    Рыжская канферэнцыя стала нагодай, каб разгледзець сітуацыю правоў чалавека ў адносінах да пачатку і канца жыцця, а таксама да праблематыкі сумлення ў службе аховы здароўя. Увага звярталася на тое, што аборты ў некаторых краінах з’яўляюцца адной з асноўных прычын смяротнасці, нават калі іх працэнт значна зніжаецца. А, напрыклад, у Латвіі і Эстоніі, дзе на працягу многіх гадоў змагаюцца з адмоўным прыростам насельніцтва, гэта пытанне ажно на ўзроўні выжывання нацыі.

---

Бяздомныя паедуць
на рэкалекцыі ў Рым
    З Польшчы ў Рым вырушыць 250 бяздомных асоб, сярод якіх 35 падапечных кракаўскага Таварыства дапамогі св. Айца Піо. “Мы верым, што Еўрапейскія рэкалекцыі радасці і міласэрнасці дапамогуць удзельнікам зразумець, наколькі каштоўныя яны ў вачах Пана; а іх месца, незалежна ад жыццёвых сцежак, знаходзіцца ў цэнтры Касцёла”, – падкрэсліваюць супрацоўнікі таварыства.
    Ідэя правядзення такіх рэкалекцый нарадзілася ў французскай супольнасці “Fratello”, якая займаецца арганізацыяй падзей для выключаных асоб.