Папа Францішак
    Бог не закрываецца ў сабе, Ён адкрываецца і наладжвае кантакт з чалавецтвам. У сваёй вялікай міласэрнасці Ён пераадольвае вялізную бездань розніцы, якая існуе паміж Ім і намі, і выходзіць нам насустрач. Каб дабіцца гэтага кантакту з чалавекам, Бог становіцца чалавекам. Яму недастаткова толькі прамоў праз законы і прарокаў, Ён прысутнічае ў асобе свайго Сына, ва Уцелаўлёным Слове. Езус – гэта вялікі “Будаўнік мастоў”, які ў самім сабе будуе вялікі мост поўнай еднасці з Айцом.
        
“Анёл Панскі” са Святым Айцом   †

---

Кс. абп Тадэвуш Кандрусевіч
   Марыя атрымала ад Бога дар Беззаганнага Зачацця і засталася вернай яму, не запляміла свайго жыцця ніводным грахом. Таму для нас, людзей ужо XXI стагоддзя, Марыя з’яўляецца прыкладам захавання нашага хрысціянскага паклікання і нашай хрысціянскай годнасці. Усім вядома, што нялёгка плыць супраць цячэння. Але адказваць на выклікі часу – значыць супрацьстаяць яго бездухоўным і амаральным тэндэнцыям.

Фрагмент гаміліі, прамоўленай на свята Нараджэння Найсвяцейшай Панны Марыі

---

Кс. бп Юрый Касабуцкі
   “Любіце адзін аднаго! Любіце ворагаў вашых! Любіце тых, хто ненавідзіць вас!”. Гэтую запаведзь цяжка выканаць, але Хрыстос дае нам прыклад, як гэта рабіць: каб вызваліцца ад злосці, выкліканай іншым чалавекам, трэба на імгненне спыніцца і памаліцца Богу, у тым ліку за тых, хто нас крыўдзіць, – і, можа, наша малітва паспрыяе іх навяртанню.

Фрагмент гаміліі, прамоўленай падчас св. Імшы ў пар. св. Яна Хрысціцеля ў в. Волма