"Хачу быць місіянерам радасці"

Запрашаем дзяцей нашай дыяцэзіі ў

"КРАІНУ РАДАСЦІ"

1 чэрвеня 2015 года

З вялікай радасцю прагнем паведаміць, што 1 чэрвеня бягучага года ў Гродне (пар. Беззаганнага Зачацця НПМ, мікрараён Паўднёвы) адбудзецца V Дыяцэзіяльны дзень дзіцяці. Хочам з гэтым запрашэннем дайсці да кожнага дзіцяці нашай дыяцэзіі індывідуальна.
    Дарагі малады Сябар, адчувай сябе ўжо цяпер запрошаным да ўдзелу ў гэтым свяце. Прыедзь у “Краіну радасці”, каб перажыць сапраўдную хрысціянскую радасць і вярнуцца дамоў і ў школу як ужо новы чалавек, з усмешкай на твары. †

Дэвіз сёлетняга Дыяцэзіяльнага дня дзіцяці – “Хачу быць місіянерам радасці!” – няхай паўсюдна гучыць у гэты дзень сустрэчы з Богам і з Тваімі равеснікамі. Мы ўжо сёння гарантуем Табе цэлы набор цікавінак у апостальскім духу: малітва, Эўхарыстыя пад кіраўніцтвам ксяндза біскупа, забавы, музыка, гульні, конкурсы, а таксама тэатральныя інсцэніроўкі і прыемны сюрпрыз на заканчэнне.
    На ўжо традыцыйны Дзень дзіцяці запрашаем першакамунійных дзяцей. Няхай гэтая сустрэча будзе для Вас падзякай за дар Эўхарыстыі. Падзяліцеся сваёй радасцю з іншымі!
    Запрашаем на гэтую сустрэчу таксама Літургічную службу алтара – міністрантаў. Ваяры Пана, мы чакаем Вас!
    Дарагія Дзеці разам з Катэхетамі і Бацькамі! Мы разлічваем на Вашу прысутнасць. З радасцю прыміце запрашэнне! Заахвочваем таксама да супрацоўніцтва ў арганізацыі гэтай нашай цудоўнай справы. Дзеці маюць магчымасць паказаць свае музычныя, тэатральныя, мастацкія здольнасці і да т.п. Дастаткова патэлефанаваць, прапанаваць і падаць заяўку аб удзеле, выступленні, выказаць прапанову і жаданне да супрацоўніцтва.
    Ага! У нас ёсць яшчэ адна просьба да Цябе, наш дарагі Сябар. Памаліся аб добрым надвор’і, каб Бог падарыў нам прыгожае сонейка.
   
   

Прыблізная праграма сустрэчы:         Ад 9.00 – прыезд дзяцей і сняданак;     10.30 – урачыстае адкрыццё юбілейнага V Дыяцэзіяльнага дня дзіцяці;     14.00 – абед;     Каля 16.00 – св. Імша пад кіраўніцтвам ксяндза біскупа;     18.00 – разасланне малых місіянераў у свет. Заканчэнне.     Больш падрабязная праграма будзе пададзена трохі пазней.

    
    Кантакты для супрацоўніцтва:
    e-mail: sakralna@op.pl;
    (8-044)46-06-140 (Velcom), (8-029)78-40-572 (MTS).