Назарэтанская моладзевая сустрэча для дзяўчат адбудзецца ў Навагрудку

Сёстры назарэтанкі запрашаюць дзяўчынак з Гродзенскай дыяцэзіі і ўсёй Беларусі акунуцца ў моц Святога Духа падчас спецыяльных рэкалекцый, якія пройдуць 15-18 жніўня ў Навагрудку. Узрост удзельніц можа быць ад 15 гадоў і вышэй (з 9 класа школы). Тэмай трохдзённых рэкалекцый абрана ў гэтым годзе наступная: “Веру ў Духа Святога”. Правядзе рэкалекцыі кс. Уладзіслаў Сурвіла.
    Тэлефон для сувязі: +37533 321 26 33 – сястра Клара. †
   

Чарговыя святарскія рэкалекцыі для ксяндзоў Гродзенскай дыяцэзіі

Сустрэчы пройдуць у Рэкалекцыйным доме “Карытас” у Сапоцкіне ў два этапы. 8-11 верасня адбудзецца першы тур і 15-18 верасня – другі тур. Падрабязней чытайце ў камунікаце кс. б-па Аляксандра Кашкевіча. Просім паведаміць аб удзеле ў рэкалекцыях пісьмова або па тэлефоне ў курыю Гродзенскай дыяцэзіі да 15 жніўня.

Катэхетычныя курсы Гродзенскай курыі запрашаюць

Кандыдаты, якія хочуць паступіць на катэхетычныя курсы, павінны да 30 жніўня падаць у сакратарыят Біскупскай курыі наступныя дакументы:
    - атэстат сталасці
    - пасведчанне аб здароўі
    - пасведчанне хросту
    - чатыры здымкі
    - рэкамендацыйны ліст ад ксяндза пробашча
    - біяграфію
    - заяву аб прыняцці
    Заняткі пачынаюцца 21 верасня 2013 г. а 9-й гадзіне і адбываюцца кожныя два тыдні ў суботу і нядзелю кожнага месяца на працягу трох з паловай гадоў.
    Удзельнікі курсаў маюць магчымасць паглыбіць веданне сваёй веры на найвышэйшым узроўні. Выпускнікі курсаў могуць служыць дапамогай падчас правядзення катэхізацыі ў парафіях.