Рубрыкі Старонкі газеты
Веб-архіў Пералік нумароў
Grodnensis Каталіцкі партал
|
ГРОДНА
Субота,
20 красавіка 2024 года |
Слова для Жыцця (51)
Рэдакцыя
01 ліпеня 2013
|
Папа Францішак І
На прасторы двух тысячагоддзяў ёсць вялікае мноства мужчын і жанчын, якія аддалі сваё жыццё, каб захаваць вернасць Езусу Хрысту і Яго Евангеллю. А таксама сёння ў многіх частках свету ёсць мучанікі – мужчыны і жанчыны, зняволеных і забітых выключна з-за таго, што яны хрысціяне. І іх цяпер больш, чым у першых стагоддзях Касцёла.
Фрагмент разважанняў “Regina Caeli”, 23.06.2013 †
Кард. Жан Луі Таран
Святая Маці Касцёл заклікае нас словамі папы Францішка абвяшчаць міжрэлігійны дыялог як каталізатар да старанняў на карысць міру, а таксама будаваць масты паміж усімі людзьмі, каб кожны мог убачыць у іншым брата або сястру.
Падчас побыту ў Англіі, паводле “Radio Vaticana”, 20.06.2013
Кс. абп Тадэвуш Кандрусевіч Сённяшнія часы – гэта часы незвычайнага парадоксу. З аднаго боку, у нас усё больш і больш праяўляецца прыватнасць, мы адасабляемся ад іншых і не хочам, каб яны ведалі пра нас. З іншага ж боку, у эру інтэрнэту і іншых сродкаў масавай камунікацыі вялікі свет становіцца маленькай вёскай, і мы імгненна ведаем, што адбываецца на іншых кантынентах. Такая складаная сітуацыя пераносіцца і на вымярэнне веры. Сучасны чалавек вельмі часта замыкае дзверы сваёй душы для веры. А калі і дапускае веру, то толькі як прыватную справу чалавека.
Фрагмент паслання з нагоды 400-годдзя прыбыцця абраза МБ Будслаўскай, 19.05.2013
Кс. бп Аляксандр Кашкевіч
Вера ў Хрыста абавязвае нас даваць сведчанне сваім жыццём згодна з Божымі запаведзямі і евангельскім навучаннем. Нашы ўчынкі, словы і каштоўнасці, якімі мы жывём, павінны сведчыць пра тое, што мы належым да Хрыста.
Фрагмент гаміліі ў Вавёрцы, паводле Сatholic.by, 17.06.2013
| < Папярэдняя | Наступная > |
|---|
Літургічны каляндар
 | |
Адзначаем
імяніны: | |
Да канца года засталося дзён: 256 | |
Чакаем Вашай падтрымкі
Дарагія Чытачы!Просім Вас аб дапамозе ў абвяшчэнні Добрай Навіны. Мы чакаем Вашых лістоў, артыкулаў, здымкаў і падтрымкі ў фінансаванні газеты. Як адна сям’я “Слова Жыцця” мы прагнем несці Божае слова, гаварыць аб Хрысце і Касцёле ўсё большай колькасці людзей у Беларусі і па-за яе межамі.
