Папа Бэнэдыкт XVI

    Св. Ян уяўля­ецца нам як чалавек вельмі аске­тыч­ны: ён насіў адзенне з вярблюджай воўны, еў саранчу і дзікі мёд, якія знаходзіў у пустыні Юдэі (пар. Мк 1, 6).
    Сам Езус аднойчы су­праць­­паставіў яго тым, хто “знаходзіцца ў каралеўскіх дамах” і “носіць мяккія шаты” (Мц 11, 8). Стыль Яна Хрысціцеля павінен заклікаць усіх хрысціян да таго, каб быць стрыманым ва ўласным жыцці, асабліва ў час падрыхтоўкі да Божага Нараджэння, калі Пан, – як казаў св. Павел, – “будучы багатым, дзеля вас стаў бедным, каб Сваёй беднасцю вас узбагаціць” (2 Кар 8, 9).
   
    Падчас малітвы Анёл Панскі, 04.12.2011 †

  Абп Тадэвуш Кандрусевіч
   Беручы пад увагу хрысці­янскае вучэнне па гэтай праблеме і ўзгадваючы словы Езуса Хрыста “міласэрнасці хачу, а не ахвяры” (Мц 12, 7), звяртаюся да Прэзідэнта Рэспублікі Беларусь Аляксандра Рыгоравіча Лукашэнкі і заканадаўчай улады з просьбай увесці мараторый на смяротнае пакаранне, каб затым зусім яго адмяніць, замяніўшы пажыццёвым пазбаўленнем свабоды, і памілаваць усіх асуджаных да вышэйшай меры пакарання. Гэтага просіць Каталіцкі Касцёл разам з Папам і біскупамі ва ўсім свеце для тых краін, у якіх яшчэ існуе смяротная кара.

    Фрагмент інтэрв’ю для catholic.by, 02.12.2011

 

---

  А. Раньера Канталамесса
   Перад намі свет, глухі да Евангелля, упэўнены ў сабе і ў сіле тэхнікі і навукі. Але хіба менш упэўненым у сабе, менш глухім да Евангелля быў той свет, з якім сутыкнуліся першыя хрысціяне, звычайныя хрысціяне? Вытанчаны свет грэчаскай культуры ці моц Рымскай імперыі? Не. Поспех новай евангелізацыі залежыць якраз ад веры, якую мы здолеем сфарміраваць унутры Царквы, каб гэты віхор вырваўся наверх. Давайце ж страсём з сябе ўсялякае пачуццё бяссілля і пакорнасці абставінам.

    Фрагмент рэкалекцыйнай навукі для Рымскай Курыі, паводле рускай секцыі Radio Vaticano, 03.12.2011