Каталіцкая сямейная кансультацыя ў Гродне дзейнічае з 1997 года. Яе дзейнасць накіравана на аказанне дапамогі людзям, якія маюць цяжкасці ў асабістым, сужэнскім ці сямейным жыцці.
    Першым душпастырам, які апекаваўся кансультацыяй, быў кс. Тадэвуш Крыштопік. На пачатку свайго існавання кансультацыя працавала тры разы на тыдзень, але колькасць зацікаўленых асоб увесь час узрастала. У 2009 годзе супрацоўнікі кансультацыі пачалі прымаць удзел у сямейных курсах, арганізаваных у нашай дыяцэзіі. Ездзілі таксама на майстар-класы за мяжу (Ломжа, Масква). У найбольшых парафіях Гродна з’яўляліся філіялы кансультацыі, дзе адбываліся перадшлюбныя курсы і размовы з супрацоўнікамі кансультацыі. †

Сёння Каталіцкай сямейнай кансультацыяй апекуецца кс. Павел Салабуда. У Кансультацыі можна атрымаць дапамогу псіхолага кс. Паўла Салабуды, псіхолагаў і кансультантаў па справах сямейнага жыцця, а таксама па справах наркаманіі і алкагалізму. Адным з метадаў працы з’яўляецца таксама дзейнасць Сямейнай кансультацыі падчас пілігрымкі ў Тракелі, дзе яе паслугамі карыстаецца шмат людзей. Кансультацыя таксама друкуе брашуры на тэму абортаў і залежнасцей. Актыўна ўдзельнічае ў працы з моладдзю, якая прыходзіць сюды на катэхезу перад бежмаваннем.
   Варта дадаць, што ўсе паслугі, якія прапаноўвае Каталіцкая сямейная кансультацыя, бясплатныя, а ўсялякая інфармацыя, якой дзеліцца асоба, што карыстаецца паслугамі кансультацыі, будзе захавана ў таямніцы. Кансультацыя прапануе не толькі псіхалагічную, але і духоўную падтрымку, дапамагаючы знайсці адказ на пытанні пра сэнс жыцця.
    Сёння ў Кансультацыі сем квалі­фікаваных супрацоўнікаў, якія аказваюць дапамогу ўжо чатыры разы на тыдзень.
    Калі ў Цябе ёсць нейкія праблемы, якім Ты не можаш даць рады, і Твая сям’я таксама не можа Табе дапамагчы, прыходзь у Каталіцкую сямейную кансультацыю. Шчасце нараджаецца пасля першага кроку!

Графік работы Каталіцкай сямейнай кансультацыі:
    Панядзелак: 18.00-20.00 – псіхолаг і кансультант па справах сямейнага жыцця.
    Аўторак: 18.00-20.00 – псіхолаг кс. Павел Салабуда.
    Серада: 18.00-20.00 – дарадчык па сямейным жыцці і інструктар па планаванні сям’і.
    Чацвер: 18.00-20.00 – кансультант па справах наркаманіі і алкгалізму.
    Дапамога, размова, парада – у Каталіцкай сямейнай кансультацыі.

    Адрас Сямейнай кансультацыі: вул. К. Маркса, 26 (насупраць Пабрыгіцкага касцёла)