11 верасня 2010 г. пасля вячэрняй св. Імшы ў вярэйскім касцёле пачалося чуванне перад Найсвяцейшым Сакрамэнтам. А 21-ай гадзіне пачаўся Марыйны Зварот, а 24-ай гадзіне была цэлебравана св. Імша, падчас чаго 6 асобаў было прынята ў Марыйны шкаплеж, які налічвае ў вярэйскай парафіі звыш 200 асобаў. Пасля пастэркі вернікі прайшлі ў Марыйнай працэсіі са свечкамі навокал святыні. 12 верасня б.г. на адпустовую ўрачыстасць Імя НПМ у Вярэйкі прыбылі пешыя пілігрымы з Ваўкавыска, ксяндзы і вернікі з дэканата і з Польшчы. Біскуп Аляксандр Кашкевіч быў галоўным цэлебрантам урачыстай св. Імшы, казанне абвясціў ксёндз Андрэй Шчупал. Эўхарыстычная працэсія закончыла адпустовую ўрачыстасць.