Успамін св. Андрэя Баболі для дыяцэзіі з’яўляецца важным святам таму, што ажно тры парафіі носяць яго імя. У парафіі імя Унебаўзяцця НМП і св. Андрэя Баболі ў Казловічах адпустовую св. Імшу цэлебраваў біскуп Аляксандр Кашкевіч, а ксёндз-прафесар Раман Катлімоўскі выступіў з гаміліяй. Падчас св. Імшы 39 асобаў прынялі сакрамант Канфірмацыі з рук біскупа.
    А ў Градоўшчыне ў парафіі імя св. Андрэя Баболі ўрачыстую св. Імшу цэлебраваў кс. пробашч Казімір Мараўскі. У гэтым годзе парафія святкуе 70-ую гадавіну яе заснавання.
    17 мая б.г. у Мінойтах прайшлі адпустовыя ўрачыстасці дзеля ўшанавання св. Андрэя Баболі, святара і мучаніка, заступніка гэтай парафіі. Саракагадзіннае набажэнства, якое правёў ксёндз-пробашч Андрэй Стапыра, падрыхтавала вернікаў да гэтага парафіяльнага свята.