11 красавіка 2010 г. у касцёле імя Беззаганнага Зачацця НПМ у Лідзе адбылася ўрачыстая св. Імша, галоўным цэлебрантам якой быў дапаможны біскуп для Мінска-Магілёўскай архідыяцэзіі Антоній Дзям’янка. Літургія ажыццяўлялася за парафіянаў, святароў і ахвяры катынскага злачынства ў 70 – ую гадавіну гэтай падзеі. У сваёй гаміліі біскуп Антоній Дзям’янка падкрэсліў, якое вялікае значэнне набыло цяпер пашырэнне культу Божай Міласэрнасці. На заканчэнне св. Імшы біскуп асвяціў абраз Вастрабрамскай Божай Маці (Божай Маці Міласэрнасці), які знаходзіцца ў касцёле.